Էրդողանի գործակալները ակտիվանում են Լիբանանում

Նեո-օսմանյան ինքնահռչակ Սուլթանի գործակալները ընդդեմ հայերի, քրդերի, քրիստոնեաների, անկայունացնելով երկիրը:

Համո Մոսկոֆյան, Պէյրութ

Թուրքիայի ինքնահռչակ Սուլթան Էրդողանի նեո-օսմանյան հակումները բավականին վտանգավոր դարձրել են Մերձավոր Արևելքը և Հարավարևելյան Եվրոպան, հյուսիսային Աֆրիկան և այժմ ՝ Լիբանանը: Հյուսիսային Սիրիայի մի քանի արյունոտ միջամտություններից հետո, երբ նրա հազարավոր «մեհմետչիկներ» (թուրք զինվորներ) և վարձկաններ անհետացան «Սիրիական ժողովրդավարական ուժեր»-ի, Ռուսաստանի և սիրիական բանակի, ամերիկյան կոալիցիայի օդային և ցամաքային ավերիչ ստորաբաժանումների հարվածների ներքո, Էրդողանը որոշեց գրավել Լիբիան և Ալգեմի կղզիները նավթի և գազի հսկայական ռեսուրսների, նաև «մահմեդական եղբայրության» երազներով: Ավելին, քանի որ Լիբանանը կառուցվում և բարգավաճում էր նաև շատ տաղանդավոր հայկական համայնքի, Հայոց ցեղասպանության ժառանգների կողմից, Էրդողան դավադրաբար նախագծեց իրականացնել լիբանանահայ սփյուռքի համայնքի քաղաքական և ռազմական հետախուզություն: Նրանք նաև հայերին մեղադրեցին՝ սիրիաքների և ասորական «Սայֆո» ցեղասպանությունը վերակենդանացնելու համար, որոնք իրականացվել էին օսմանցիների կողմից, նաև Համաշխարհային Ա. Պատերազմի ընթացքում Լիբանանի սարսափելի շրջափակումը, երբ 250 հազար քրիստոնյաներ մահացան սովից։ Վերջերս գրքեր և կինոնկարներ պատրաստվեցին այն հանցագործությունների եւ ջարդերի մասին, որոնք Օսմանյան թուրքերը կազմակերպել էին Լիբանանում և Սիրիայում, որի արդյունքում 3 միլիոն մարդ զոհվել էին, իսկ հազարավոր ուրիշներ Առաջին աշխարհամարտի ավարտից հետո գաղթել էին Ամերիկաներ:

Էրդողանի Լիբանան կատարած վերջին այցից հետո, էթնիկ Թուրքմեն և Իսլամական Պետության կողմնակից (ԴԱԷՇ-իստ) իսլամական համայնքները ՝ Հյուսիսային Լիբանանում գտնվող Տրիպոլիում և Աքքարում, շատ ջերմ ընդունեցին նրան: Շուտով հիվանդանոցները, իսլամիստ քարոզչության մշակութային կենտրոնները, հակա-շիիթ՝ իրանական և սիրիական ռեժիմի դեմ քաղաքական և ռազմական ակտիվությունները նկատելի էր ամենուր: Վերոնշյալ երկրների և նրանց հետևորդների դեմ անցկացվող, հատկապես հակա-հայկական՝ Տրիպոլիի և Բեյրութի որոշ փողոցներով Թուրքիայի դրոշներով և կարգախոսներով ու մոտոցիկլետներով շրջագայող բազմաթիվ ցույցերը թեժացան: Նույնիսկ որոշ միամիտ պաղեստինցիներ սկսեցին հավատալ Էրդողանի ստերին, որոնցից շատերը դարձել էին մահմեդական եղբայրության կամ ISIS- ի անդամներ, գանձելու համար ամսական կենսաթոշակներ՝ հասարակական անկարգություններ և հանցագործություններ կատարելու և Լիբանանը ապակայունացնելու նպատակով, նախապատրաստելով ևս մեկ անգամ Լիբանանը դարձնելու Էդողանի նորօսմանիստական չարիքի կայսրության մի մասը:

Միայն վերջերս ՝ 2020 թվականի Հունիսի 11-ին, Լիբանանի «Մարդինլի» համայնքի մի անդամ, որը երբեմն իրեն համարում է «քուրդ», երբեմն սուննի «թուրք» կամ լիբանանցի, սիրիացի նախկին բանտարկյալ մաֆիոզ, որը կոչվում է Մունիր Հասուն, մի տեսանյութ հրապարակեց համացանցով և Ֆեյսբուքով, որում հարձակվելով լիբանանահայ հեռուստատեսության հաղորդավար Նշան Տեր-Հարությունյանի վրա: Հունիսի 10-ի երեկոյան Նշանը հարցազրույց էր ունեցել հայտնի քաղաքական գործիչ, նախկին նախարար Ուիամ Ուահապի հետ: Նրանք քննադատում էին Օսմանյան ոճրագործությունները Լիբանանում նաև Էրդողանը, որ վերածվում էր շատ վտանգավոր գործոնի արաբական աշխարհում: Հեռուստադիտողի մը լկտի եւ հակահայ ցեղապաշտական արձագանգին ի տես՝ Նշանի բուռն պատասխանից հետո, արձագանգները շարունակվեցին երկրորդ օրը…։ Այս «անհայտ» թուրք «հայրենասերը» (որ ասաց, թե ինքը Լիբանանում «Մարդինլի» միության նախագահն է) ոչ միայն ամենակեղտոտ խոսքերով քննադատեց հայ հեռուստատեսային հաղորդավարը, այլև արդարացրեց թուրքերի կողմից Հայոց ցեղասպանությունը և «սպառնաց», որ անհրաժեշտության դեպքում ևս մեկ անգամ կոտորածներ կատարելու են «անհավատ» հայերի դեմ: Հայ և քրիստոնյա առաջադեմ շրջանակներ զայրացել էին այս վտանգավոր ակնարկներից՝ որոնք հաստատ, ինչպես միշտ, վճարված էին Լիբանանում Թուրքիայի դեսպանատան և հետախուզության նաև մի շարք նշանավոր գործիչների կողմից, որոնք պաշտոնապես անամոթաբար «պաշտպանում էին» թուրքական «պատիվը», ինչպես նախկին ՆԳ նախարար Աշրաֆ Ռիֆին և նախկին պատգամավոր Միսբահ ալ-Ահդաբ: Հինգշաբթի օրը ՝ Հունիսի 11-ին, երեկոյան ժամը 5-ին, նրանք թուրքական դրոշներով ցույց կատարեցին Արևմտյան Բեյրութի «ԱլԺադիդ» հեռուստաընկերության շենքին դիմաց՝ հերթական անգամ հայհոյելով Նշանին և հայերին՝ ամենակեղտոտ խոսքերով: Երեկոյան Հայ Հեղափոխական Դաշնակցության լիբանանահայ ամենահզոր պատգամավոր, Յակոբ Փակրադունեան, յայտարարեց, որ կապ հաստատել է ներքին գործոց նախարարության, ոստիկանության, նախագահական պալատին հետ և մի խումբ փաստաբաններ այս վտանգաւոր դէպքին արդյունք հայց ներկայացնելու են դատարան՝ ընդդեմ «լիբանանցի» Մունիր Հասունի եւ զայն զրկեն լիբանանեան իր քաղաքացիութենէն, քանի որ ան ինքզինք համարում է Էրդողանի հետևորդ և նրա տեղակալը: Համենայն դեպս, ծանր տնտեսական, քաղաքական, կորոնավիրուսային իրարանցման մթնոլորտում, Լիբանանի հայ համայնքը երբեք չի հանգստանա…

Հ.Գ. Զօրակցական եւ համերաշխության մեծաթիվ նամակներ ենք ստացել ամբողջ աշխարհի քրդերից։