Ինտերնացիոնալը

Միջազգային պրոլետարական հիմնը, կոմունիստական կուսակցությունների հիմնը։ Տեքստը՝ Էժեն Պոտիեի, երաժշտությունը՝ Պիեռ Դեգեյտերի։ Հայերեն թարգմանությունը կատարել է Եղիշե Չարենցը:

Ելիր, ում կյանքը անիծել է,

ով ճորտ է, մերկ՝ և ստրուկ:

Արդեն վառվում են մեր սրտերը,

արդեն կռվի ենք մենք ձգտում:

Այս հին աշխարհը կփորենք մենք

մինչև հիմքերը, և հետո

մեր նոր ա՛խարհը կշինե՛նք մենք

ուր ոչ ստրուկ կա, ոչ դժգոհ:

Սա՛ է վերջին կռիվը

և պայքարը մեր մեծ,

ինտերնացիոնալը

աշխարհը կփրկե:

Ոչ ո՛ք չի տա՛ մեր փրկությունը,

ո՛չ խենթ հերոսը, ոչ արքա՛ն.

մենք պետք է մեր ազատությունը

կռենք ձեռքով մեր սեձական:

Որպեսզի շուտ փշրենք մեր լուծը

և ետ խլենք ողջ հողը մեր,

խփե՛նք մուրճերը, տանք մեր ուժը

քանի երկաթը տաք է դեռ:

Սա՛ է վերջին կռիվը

և պայքարը մեր մեծ,

ինտերնացիոնալը

աշխարհը կփրկե:

Լոկ մե՛նք, ճորտեր ու բանվորներս,

ունենք անխախտ մի իրավունք

ասել, որ հողը մե՛րն է, մե՛րն է,

կորչի՛ հարուստը թող տզրուկ:

Եվ երբ պայթի մեծ փոթորիկը

և կուշտ շները չքանան

նորից երկիրը և երկինքը

մերն ե՛ն ու մերը կմնան:

Սա՛ է վերջին կռիվը

և պայքարը մեր մեծ,

ինտերնացիոնալը

աշխարհը կփրկե: