Փաշինյանը հանձնելու է Զանգեզուրը, ճիշտ այնպես, ինչպես հանձնել է Արցախը
Եթե Հայաստանի ժողովուրդը չի ցանկանում ենթարկվել նոր ցեղասպանությունների և կորցնել իր տարածքները, ապա նա պետք է վռնդի իշխանությունից՝ Արևմուտքի խամաճիկներին և գործակալներին Փաշինյանի գլխավորությամբ:
Շարունակվում է Փաշինյան-Ալիև հակահայկական դավադրությունը՝ Արևմուտքի հովանու ներքո։ Փաշինյանին հաջողվեց հեշտությամբ ոչնչացնել Արցախը և հանձնել Ադրբեջանի կազմ, հիմա սկսվում է Զանգեզուրը Ադրբեջանին հանձնելու դավադիր սցենարի իրականացումը։
Հայ ժողովրդին կրկին վիճակված է դառնալ թնդանոթի միս, փախստական ժողովուրդ, անհայրենիք ժողովուրդ: Հայաստանի իշխանությունները՝ Փաշինյանի գլխավորությամբ, կրկին ստելու են ժողովրդին և ամեն ինչ անելու են Հայաստանի շահերի դեմ: Արևմտամետ սփյուռքը, ինչպես միշտ, կգովաբանի, կհավատա և կծափահարի Փաշինյանին՝ ամբողջ մեղքը բարդելով Ռուսաստանի վրա:
Ի՞նչպես կարող է ժողովուրդն ազդել այս ամենի վրա, որպեսզի Փաշինյանը չկարողանա իրականացնել հակահայկական սցենարները։
Այս փուլում ոչնչով, քանի որ չկան տարրական պաշտպանական պայմաններ։ Սահմանադրությունը չի գործում, բանակը, դատարանները, ոստիկանությունը ծառայում են Փաշինյանին, ոչ թե օրենքին, արդարադատությանը կամ երկրին, քաղաքական կուսակցությունների մեծ մասն արևմտամետ են:
Բացի այդ, կա պատմական փորձ, որը ցույց է տալիս, որ հենց Հայաստանը դառնում է մանրադրամ Արեւմուտքի ձեռքում, ապա միշտ ենթարկվում է ցեղասպանությունների եւ կորցնում է իր տարածքները: Իսկ Արևմուտքի մանրադրամը Հայաստանը դարձել է, որովհետև գոյություն ունի շուկայական տնտեսություն (կապիտալիզմ)։ Հայաստանի իշխող արևմտամետ իշխանությունները նախընտրում ապրել Արևմուտքի վարկերի հաշվին՝ փոխարենը կատարելով Արևմուտքի հրահանգները: 34 տարի շարունակ Լևոն Տեր-Պետրոսյանից մինչև Փաշինյան, Հայաստանի իշխանությունները ժողովրդին խաբել են հայրենասիրությամբ, իսկ իրականում զբաղվել են Հայաստանի շահերի վաճառքով:
Հետևաբար, եթե Հայաստանի ժողովուրդը չի ցանկանում ենթարկվել նոր ցեղասպանությունների և կորցնել իր տարածքները, ապա նա պետք է վռնդի իշխանությունից՝ Արևմուտքի խամաճիկներին և գործակալներին Փաշինյանի գլխավորությամբ: Իսկ դրա համար պետք է նաև հրաժարվել կապիտալիստական տնտեսությունից և պետությունից։ Իմաստ չունի Փաշինյանին վռնդել ու թողնել կապիտալիզմը, քանի որ հետո կգա նույնպիսի նոր Փաշինյան: Կապիտալիզմի ժամանակ Հայաստանը միշտ կառավարելու են "փաշինյանները", այսպիսին է կիսագաղութային երկրի ճակատագիրը։
Ժողովուրդը պետք է ընտրի այլընտրանքային ճանապարհ և դա զարգացման սոցիալիստական ճանապարհն է: Միայն սոցիալիզմի դեպքում Հայաստանում "փաշինյաններ" չեն լինի, քանի որ Հայաստանը կդառնա ինքնուրույն պետություն՝ սոցիալիստական տնտեսությամբ։ Միայն սոցիալիզմի դեպքում Հայաստանը կարող է պաշտպանել Զանգեզուրը, միայն սոցիալիզմի դեպքում Արցախը և Նախիջևանը կարող են վերամիավորվել Հայաստանի հետ:
կը ներէք, բայց կը կարծեմ որ այս տեսակ հակահայ քարտէզները որ թշնամին կը գործածէշ պետք չէ սփռենք:
Աննա Մարիա Մահսէրէճեան-